“Skuadra argjentinase lëshon “bomben”, tenton të firmosë me Buffon” plus 9 more Ekonomia Online |
- Skuadra argjentinase lëshon “bomben”, tenton të firmosë me Buffon
- 9 gjërat që duhet bërë para se të nisni pushimet
- May: Siria e mbështetur nga rusët po fsheh provat e sulmit kimik
- Rrëmbehet dhe vritet gazetarja në El Salvador
- 10 fakte psikologjike interesante
- Mbretëresha e Spanjës provon ushqimin tradicional shqiptar
- Të folurit në publik rrit për 50% vlerën tuaj
- Votimi i projektligjit për gjykata shtyhet për në orën 19:30
- I vidhet pasaporta Elvana Gjatës (FOTO)
- Përplasen deputetja Millaku dhe kryetari Veseli
Skuadra argjentinase lëshon “bomben”, tenton të firmosë me Buffon Posted: 16 Apr 2018 09:28 AM PDT Gianluigi Buffon po mendon seriozisht të largohet nga futbolli i luajtur, me portierin 40 vjeçarë që nuk premton më siguri. Ky fakt nuk ka trembur aspak drejtuesit e gjigandëve argjentinase, Boca Juniors që janë të gatshëm të bëjnë një lëvizje sensacionale për gardianin e Juventusit. Siç pohon “Radio Continental” Carlos Tevez do të përpiqet të bindë shokun e tij të vjetër për të pranuar transferimin në Buenos Aires në qershor. Buffon luan prej vitit 2001 me bardhezijtë, ndërsa nëse pranon një transferim në Argjentinë, kjo do të ishte eksperienca e parë e portierit jashtë kufijve italian. Në Itali, Buffon është aktivizuar me dy skuadra, Parma dhe Juventus. The post Skuadra argjentinase lëshon “bomben”, tenton të firmosë me Buffon appeared first on Ekonomia Online. |
9 gjërat që duhet bërë para se të nisni pushimet Posted: 16 Apr 2018 09:26 AM PDT Largoni e-mailet, pushimi është koha për t'u shkëputur. Kur jeni në pushim, gjëja e fundit të cilën duhet t'a bëni është të kontrolloni emailet e punës. Dhe edhe pse mund të jetë e vështirë për t'u shkëputur, është e rëndësishme të shijoni kohën e pushimit. Për këtë duhet të përgatisni veten përpara që të keni një pushim të lirë nga puna. Për fillestarët, bëni një listë të të gjitha gjërave të cilat duhet të përfundohen para se të shkoni. Në këtë mënyrë ju do të përfundoni detyrat më të rëndësishme, dhe nuk do të keni nevojë të brengoseni për to kur të ktheheni. Për t'u siguruar se ju mund të vazhdoni aty ku e keni lënë kur të ktheheni nga pushimi, bëni një plan të punës që duhet t'a bëni kur të ktheheni. Sigurohuni se njerëzit e dinë se jeni jashtë vendit dhe në pushim duke vendosur një përgjigje automatike të emailit. Nga kjo klientët do t'a dinë se ju nuk po i injoroni ata, dhe do ua rikujtojë kolegëve se jeni në pushim. Kur të ktheheni në punë, jepni vetes një ditë të tërë që të ktheheni në rend. Shikoni këtë listë që të mësoni se si të ndaheni nga puna dhe të shijoni pushimin. Bëni një listë Shkruani një listë të prioriteteve të të gjitha detyrave të cilat duhet t'i përfundoni para pushimit. Ju nuk do të keni nevojë të mbani në mend çfarë duhet të bëni kur e keni këtë listë! Përfundoni detyrat tuaja më të rëndësishme Sigurohuni se po i përfundoni të gjitha detyrat të cilat nuk mund t'i ngarkoni apo t'i shtyeni. Ju nuk duhet t'i bëni njerëzit të ju thërrasin në panik gjatë pushimit tuaj të merituar. Sigurohuni se detyrat të cilat duhet të përfundohen janë caktuar për dikë tjetër. Nuk ka asnjë detyrë e cila nuk mund të përfundohet nga dikush tjetër. Automatizoni gjërat e mërzitshme Bëni një plan veprimi për kohën kur të ktheheni në punë Kthimi në punë është i vështirë, sigurohuni se jeni gati dhe se e dini se çfarë duhet të bëni kur të ktheheni. Vendosni një përgjigje emaili ''jashtë zyrës'' Ju nuk duhet t'i bëni klientët dhe kolegët të mendojnë se po i injoroni ata. Bllokoni kalendarin tuaj për ditën tuaj të parë të kthimit Në ditën e parë të kthimit, mos lejoni që njerëzit tjerë të ju marrin këtë kohë ose mund të humbisni disa nga gjërat e rëndësishme të cilat kanë ndodhur. Sigurohuni se kolegët tuaj e dinë se jeni në pushim dhe se kur do të ktheheni Shmangni mesazhet dhe emailet “A do të vish në takim''?. Edhe nëse iu keni treguar 3 herë më parë, vendosni një përgjigje e-maili dhe përmendeni atë në takime: Njerëzit nuk do ta mbajnë në mend kur do të shkoni. Rezistoni tundimit për të kontrolluar emailin e punës gjatë pushimit Quhet “pushim nga puna'' për një arsye. The post 9 gjërat që duhet bërë para se të nisni pushimet appeared first on Ekonomia Online. |
May: Siria e mbështetur nga rusët po fsheh provat e sulmit kimik Posted: 16 Apr 2018 09:25 AM PDT Kryeministrja britanik Teresa May, deklaroi se Siria e mbështetur nga rusët, është duke u përpjekur të fshehë faktet e sulmit kimik në Douma. Sulmi shkaktoi dhjetëra viktima dhe qindra të plagosur. AFP shkruan se një zyrtar tha se hetuesit e pavarur u penguan të hetonin sulmin pranë kryeqytetit sirian, disa ditë pasi Shtetet e Bashkuara, Franca dhe Britania bombarduan vendet që ata thanë se ishin të lidhura me programin e armëve kimike të Sirisë. Mungesa e qasjes në qytetin e Doumës nga inspektorët e grupit mbikëqyrës nga Organizata për Ndalimin e Armëve Kimike, ka lënë shumë pyetje pa përgjigje në lidhje me sulmin e 7 prillit. Drejtori i Përgjithshëm i OPCW në Hagë, Ahmet Uzumku tha se zyrtarët sirianë dhe rusë përmendën “çështjet e sigurisë në pritje” duke i mbajtur inspektorët e saj nga arritja e Doumës. “Ekipi ende nuk është vendosur në Douma” dy ditë pas mbërritjes në Siri, tha Uzumku. Autoritetet siriane po ofronin 22 vetë për të intervistuar si dëshmitarë, tha ai, duke shtuar se ai shpresonte se “do të bëhen të gjitha masat e nevojshme … për të lejuar ekipin të dërgojë në Douma sa më shpejt të jetë e mundur”. The post May: Siria e mbështetur nga rusët po fsheh provat e sulmit kimik appeared first on Ekonomia Online. |
Rrëmbehet dhe vritet gazetarja në El Salvador Posted: 16 Apr 2018 09:20 AM PDT Sulmues të panjohur në El Salvador kanë rrëmbyer dhe vrarë gazetaren Karla Lisseth Turcios. Zyrtarët e policisë thanë se trupi i gazetares së vrarë Turcios, është gjetur mbrëmë afër një autostrade, në afërsi të San Salvadorit, raporton Anadolu Agency. Turcios ka punuar si gazetare në revistën “El Economista” të cilën e boton shtëpia mediatike La Prensa Grafica. Sulmuesi, ose sulmuesit e panjohur, të shtunën rrëmbyen 33-vjeçaren Turcios, në momentet kur ndodhej vetëm në shtëpi. Bashkëshorti dhe i biri i saj pas kthimit nga shëtitja kanë denoncuar zhdukjen. Peshkopi, Jose Luis Escobar Alas, deklaroi se vrasje e gazetares Turcios paraqet sulm barbar mbi tërë shoqërinë. Ndërkohë vazhdojnë hetimet. The post Rrëmbehet dhe vritet gazetarja në El Salvador appeared first on Ekonomia Online. |
10 fakte psikologjike interesante Posted: 16 Apr 2018 09:17 AM PDT – Njerëzit që kalojnë më shumë kohë në diell, janë më të prirë që të jenë të lumtur. The post 10 fakte psikologjike interesante appeared first on Ekonomia Online. |
Mbretëresha e Spanjës provon ushqimin tradicional shqiptar Posted: 16 Apr 2018 09:15 AM PDT Pjestarja e një prej monarkive më të rëndësishme në Europë, Mbretëresha Sofi i është bashkuar ceremonisë së gastronomisë shqiptare në Madrid. Ambasadori i Shqipërisë në Spanjë, Ridi Kurtezi ka publikuar pamjet në rrjetin e tij social në Twitter ku Mbretëresha e Spanjës duket si shikon disa ushqime tradicionale shqiptare. "Kënaqësi të mirëpres Mbretëreshën Sofia në tryezën e gastronomisë shqiptare në Madrid", shkruajti ai. Ndër ushqimet që ishin të ekspozuar përfshiheshin ëmbëlsirat si ballokume, trigona dhe zupa. The post Mbretëresha e Spanjës provon ushqimin tradicional shqiptar appeared first on Ekonomia Online. |
Të folurit në publik rrit për 50% vlerën tuaj Posted: 16 Apr 2018 09:12 AM PDT Miliarderi Warren Buffett u tha studentëve të biznesit se kjo është aftësia më e vlefshme që ata mund të mësojnë. Imagjinoni të punoni në një aftësi në 2017 që sapo ta përvetësoni atë do të rrisë vlerën tuaj me 50%. Kjo aftësi është të folurit në publik. Dëgjoni këshillën e miliarderit Warren Buffett në një klasë të studentëve të biznesit në Universitetin Columbia në vitin 2009: "Tani, ju mund të përmirësoni vlerën tuaj me 50% vetëm duke mësuar aftësitë e komunikimit – të folurit në publik." Tejkaloni frikën tuaj Sipas kuratorit të TED Chris Anderson, të folurit në publik vlen më shumë se kurrë. Në librin e tij, "Bisedimet TED", Anderson shkruan: "Si udhëheqës – ose si një avokat – të folurit në publik është çelësi për të shkëmbyer njohuritë dhe për të promovuar një ëndërr të përbashkët." A nuk është kjo ajo që të gjithë sipërmarrësit dhe pronarët e bizneseve mundohen të realizojnë kur kanë një ide? Të bëjnë pitching për idenë e tyre. Qëllimi juaj është që të krijoni ndjeshmëri, një lidhje besimi mes jush dhe dëgjuesit tuaj. Qëllimi juaj është të ndani njohuritë tuaja dhe të promovoni një ëndërr të përbashkët. Të folurit në mënyrë efektive në publik është një aftësi që mund t'iu ndihmojë të arrini gjithë këto rezultate. Mësoni aftësitë Në sajë të lidhjeve broadband, YouTube dhe TED.com, çdokush me një kompjuter, telefon ose pajisje të lëvizshme mund t'i shikojnë të gjithë folësit e biznesit dhe të mësojnë prej tyre. Për sipërmarrësit dhe pronarët e bizneseve të vogla, unë sugjeroj që të fillojnë të shohin video në YouTube të prezantuesit më të mëdh në historinë e biznesit — Steve Jobs. Pothuajse çdo prezantim publik i Steve Jobs është publikuar, pra është në dispozicion për të gjithë, që nga nisja e produktit Macintosh në 1984 deri në hyrjen e iPhone-it të parë në treg në 2007. Kushtoni vëmendje të veçantë për:
Po, aftësitë mund të mësohen- Steve Jobs nuk i kishte të lindura, ai punoi për to – por videot ja bënë më të lehtë mësimin e tyre. Si një sipërmarrës apo pronar biznesi, ju jeni aq të vlefshëm sa idetë tuaja. Nëse ju nuk mund të bindni të tjerët për të blerë idetë tuaja, atëherë nuk vleni dhe aq shumë. Idetë tuaja meritojnë të dëgjohen. Bëni një investim këtë vit për të përmirësuar këtë aftësi që mund të ndryshojë jetën tuaj, drejtimin e biznesit tuaj dhe për të rritur vlerën tuaj me 50% pothuajse menjëherë. The post Të folurit në publik rrit për 50% vlerën tuaj appeared first on Ekonomia Online. |
Votimi i projektligjit për gjykata shtyhet për në orën 19:30 Posted: 16 Apr 2018 09:10 AM PDT Për mungesë të kuorumit, votimi i projektligjit për gjykatat u shty në ora 19:30, ku kryetari i Kuvendit u bëri thirrje deputetëve të vijnë të votojnë, raporton Ekonomia Online. Albulena Haxhiu iu drejtua kryetarit të Kuvendit duke i thënë se nuk do votojmë as për, as kundër, as abstenim në ora 19:30, derisa PDK ndryshon qëndrim për formimin e komisionit hetimor për deportimin e 6 shtetasve turq. The post Votimi i projektligjit për gjykata shtyhet për në orën 19:30 appeared first on Ekonomia Online. |
I vidhet pasaporta Elvana Gjatës (FOTO) Posted: 16 Apr 2018 09:07 AM PDT Elvana Gjatës i është vjedhur pasaporta. Lajmin e ka bërë të ditur miku i saj, dizajneri Valdrin Sahiti, i cili ka postuar një fotografi në Instastory duke thënë: 'kem diçka nga vjedhja e pasaportës. Ngushëllime". Kujtojmë që Elvana dhe Valdrini kanë disa ditë që kanë qëndruar bashkë në Milano të Italisë. The post I vidhet pasaporta Elvana Gjatës (FOTO) appeared first on Ekonomia Online. |
Përplasen deputetja Millaku dhe kryetari Veseli Posted: 16 Apr 2018 09:06 AM PDT Deputetja nga LVV-ja gjatë shqyrtimit të projektligjit për gjykatat, Drita Millaku, ndërroi kontekstin e debatit, duke iu drejtuar kryetarit të Kuvendit të Kosovës duke i thënë se në çdo situatë jashtë kontrolli në Kuvend ke treguar "fytyrën tënde", duke ngritur zërin për sharjen që ka bërë kryetari i Kuvendit gjatë seancës për demarkacion, raporton Ekonomia Online. "Unë kam disa vërejtje për kryetarin e Kuvendit, i cili para disa ditësh derisa mbanim seancën parlamentare për demarkacionin, pa fije turpi i shau deputetët këtu dhe deshta t'i them z.kryetar nuk ta kemi borxh se nuk i keni marrë votat për me i sha robtë e deputetëve”. “I shfrytëzon këto situata të tilla, e hjek maskën tënde dhe tregon fytyrën e vërtetë që e ke. Nuk është në rregull sepse e kemi kuptu vonë, nuk e kemi kuptu gjatë seancës derisa na arrestun e kuptuam që i ke bërë këto fyerje, për besë nuk kishe pshtu kaq lehtë nëse të kishim dëgju”. “Jo që kam diçka konkrete me ty, nuk lejojmë me na sha familjarët. Shyqyr Zotit që nuk të kam dëgju kur na i ke sha krejtve robtë e shtëpisë këtu, se qat gazin lotsjellës në gojë ta kisha shti. E ke tregu fytyrën tane sa herë ka pasë situata të tilla". Veseli iu drejtua duke i thënë "zojë ti si me pasë lidhje diçka me mu, unë me ty nuk kam kurgjë, çka m'u ke gju se më sakatove". Këto deklarata të deputetes Millaku kanë ardhurpasi gjatë seancës kur është hedhur gaz lotsjellës, javë më parë kryeparlamentari Kadri Veseli pasi kishte bërë thirrje që punimet të ndërprehen ai edhe kishte sharë. Besa Gaxherri mbrojti deputeten Millaku dhe kërkoi nga Veseli t’u kërkonte falje grave deputete. "Zotëri kryetar përdorimi i gjuhës tuaj banale dhe denigruese dhe e cilitdo deputet këtu është e papranueshme. Pa marrë parasysh, ju jeni kryetar i Kuvendit, kur ndonjëra prej neve këtu devijon ose degradon, na presim prej teje që me ua ndal fjalën ose me marrë masa, e jo me dëgju gjuhën çfarë e dëgjuam sot nga ju. Andaj kërkoj që t'i kërkoni falje Kuvendit e në radhë të parë grave deputete këtu, në të kundërtën kërkoj nga të gjitha gratë që me lëshu seancën”. Kryeparlamentari Kadri Veseli kërkoi falje. "Nuk ka pasë kryetar që ka mbrojtë dinjitetin. Kërkoj falje për fyerjen që prek botën femërore, kërkoj falje 1 milionë herë, edhe përkulem nuk më vjen turp. Abuzimi si bëhet me gratë deputete kjo nuk më pëlqen. Nëse ka me kërku falje, e lëshoj sot kryesimin e seancës, nuk ishte qëllimi i fyerjes së identitetit të gruas, po të thotë në kaq mënyrë të vrazhdë një grua nuk është si duhet". The post Përplasen deputetja Millaku dhe kryetari Veseli appeared first on Ekonomia Online. |
You are subscribed to email updates from Ekonomia Online. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: