“Gattuso i lumtur me kualifikimin tutje në Ligën e Evropës, por më shumë me formën dhe portën e paprekur” plus 9 more Telegrafi Futboll
“Gattuso i lumtur me kualifikimin tutje në Ligën e Evropës, por më shumë me formën dhe portën e paprekur” plus 9 more Telegrafi Futboll |
- Gattuso i lumtur me kualifikimin tutje në Ligën e Evropës, por më shumë me formën dhe portën e paprekur
- Arsenal 1-2 Ostersunds: Nota e Xhakës dhe të tjerëve
- Valon Berisha shënon dhe kualifikon Salzburgun, tutje vazhdojnë Dortmund, Marseille dhe Bilbao (Video)
- Milan 1-0 Ludogorets, notat e lojtarëve (Foto)
- Ostersundsi befason edhe në ndeshjen e fundit në Evropë, por eliminohet nga Arsenali (Video)
- Milani mposht Ludogoretsin edhe në ndeshjen kthyese, kalon tutje në Ligën e Evropës (Video)
- Reali ka një plan për transferimin e De Bruyne, gati të thyhet rekordi botëror
- Agjenti i Karamoh: Francezët nuk duan më të transferohen në Serie A
- Lazio, Atletico Madrid dhe Lyon kalojnë tutje, eliminohet Napoli dhe Villareali
- Donnarumma zgjedh klubin e ardhshëm
Posted: 22 Feb 2018 02:50 PM PST Gennaro Gattuso ka thënë pas ndeshjes së është i lumtur me kualifikimin dhe lojën e lojtarëve, por më shumë vlerësoi punën në mbrojtje dhe portën e paprekur në fitoren 1-0 ndaj Ludogorets. Fitorja 3-0 e ndeshjes së parë e kishte bërë rezultatin përfundimtar relativisht të qartë në këtë raund të Ligës së Evropës, por Fabio Borini shtoi edhe një tjetër në San Siro për rezultatin total prej 4-0. Pas ndeshjes trajneri i Milanit, Gattuso, u pa shumë i lumtur me kualifikimin, por edhe lojën e lojtarëve në mbrojtje. “Jam i lumtur që kemi mbajtur portën e paprekur, pasi kjo është diçka që po përqendrohesha në trajnime kohëve të fundit”, ka thënë fillimisht Gattuso për Sky Sport Italia. “Është mirë që askush nuk kishte ngërç në 90 minuta, por është edhe për qëndrim. Unë jam shumë, shumë i lumtur me rritjen e ekipit dhe për ata që nuk kanë luajtur aq shumë dhe sigurohuni që ata ishin të gatshëm kur u thirrën”. “Ne duhet ta marrim ndeshje pas ndeshje, të përgatitemi për një ndeshje shumë të vështirë kundër Romës të dielën”. “Andre Silva bëri atë që kërkuam. Ai nuk shënoi, por bëri gjithçka tjetër. Patrick Cutrone ka punuar në një rol që nuk është me të vërtetë i tij, por ai mund të bëjë atë dhe ne do ta shohim atë përsëri në të ardhmen”. “Kur punoni në mbrojtje në stërvitje, lojtarët mërziten pak, ashtu siç e kam bërë kur isha lojtar, por sa më pak gola që pranojmë, aq më shumë janë të etur që të punojnë në mbrojtje”. “Ne po përmirësohemi, nuk kemi më lojtarë që luajnë në të gjitha drejtimet e ndryshme, ne mbyllim topin më shumë. Ne po bëhemi më mirë”, përfundoi trajneri italian. /Telegrafi/ The post Gattuso i lumtur me kualifikimin tutje në Ligën e Evropës, por më shumë me formën dhe portën e paprekur appeared first on Telegrafi. |
Arsenal 1-2 Ostersunds: Nota e Xhakës dhe të tjerëve Posted: 22 Feb 2018 02:41 PM PST Arsenali ka vazhduar tutje në Ligën e Evropës duke eliminuar skuadrën suedeze Ostersunds. Skuadra angleze ka pësuar humbje në ndeshjen kthyese 1-2 nga klubi simpatik suedez. Por fitorja në ndeshjen e parë 3-0 ka bërë që 'Topçinjtë' të kalojnë tutje në Ligën e Evropës. Mbrojtësi spanjoll, Hector Bellerin kishte notën më të lartë te Arsenali (7.4). Paraqitje të mirë kishin edhe Dany Welbeck (7.0) dhe mbrojtësi Holding (7.0). Ndërkohë Granit Xhaka është inkuadruar në lojë në pjesën e dytë dhe kishte paraqitje mjaftë të mirë (6.9). Lojtari më i mirë në ndeshje ishte sulmuesi mysafir Ghoddos (8.6) që asistoi në këtë takim. Me notë të lartë u Sema (8.0) dhe Keita (7.1) tek mysafirët. E nota më e ulët në këtë takim shkoi për mbrojtësin mysafir Mukibbi (5.6). /Telegrafi/ The post Arsenal 1-2 Ostersunds: Nota e Xhakës dhe të tjerëve appeared first on Telegrafi. |
Posted: 22 Feb 2018 02:22 PM PST Mesfushori nga Kosova, Valon Berisha ka qenë ylli i mbrëmjes në Austri për skuadrën e tij Red Bull Salzburg. Berisha e kishte nisur ndeshjen ndaj Real Sociedadit si rezervistë por u inkuadrua në lojë në minutën e 62-të. Vetëm 12 minuta më vonë, mesfushori i Kosovës arriti të shënoj gol nga pika e bardhë për fitoren e Salzburgut 2-1. Në këtë takim për Sociedadin gjatë 90 minutave luajti edhe mesfushori nga Kosova, Adnan Januzaj. Tutje në Ligën e Evropës ka kaluar edhe Borussia Dortmund që barazoi në udhëtim te Atalanta 1-1. Kësisoj pas dy ndeshjeve skuadra gjermane kualifikohet tutje me rezultat të përgjithshëm 4-3. Etrit Berisha ishte në fushë për Atalantën dhe qëndroi gjatë 90 minutave. Marseille ka humbur 1-0 nga Braga por fitorja e një jave më parë 3-1 e ka kualifikuar ekipin francez. Ndërkohë në raundin tjetër ka kaluar edhe Athletic Bilbao që ka eliminuar klubin rus Spartak Moskë me rezultat të përgjithshëm 4-3. /Telegrafi/ Skuadrat e kualifikuara: CSKA Moska
The post Valon Berisha shënon dhe kualifikon Salzburgun, tutje vazhdojnë Dortmund, Marseille dhe Bilbao (Video) appeared first on Telegrafi. |
Milan 1-0 Ludogorets, notat e lojtarëve (Foto) Posted: 22 Feb 2018 02:11 PM PST Milani ka fituar edhe takimin e dytë të 1/16-tës së Ligës së Evropës ndaj Ludogoretsin me rezultat minimal 1-0. Rossonerët kanë siguruar kualifikimin në 1/8-tën e Ligës së Evropës pasi kanë mposhtur në dy ndeshje Ludogoretsin me rezultat të përgjithshëm 4-0. Goli i vetëm në ndeshjen kthyese të zhvilluar në San Siro u shënua nga sulmuesi italian, Fabio Borini (21′). Megjithatë, lojtari më i vlerësuar i ndeshjes ishte mbrojtësi zviceran, Ricardo Rodriguez, i cili u notua me 8.0. Në anën tjetër, nota më e ulët e ndeshjes shkoi për portierin mysafirë, Jorge Broun, i cili u vlerësua me 6.1. /Telegrafi/ Milan: Ludogorets: The post Milan 1-0 Ludogorets, notat e lojtarëve (Foto) appeared first on Telegrafi. |
Ostersundsi befason edhe në ndeshjen e fundit në Evropë, por eliminohet nga Arsenali (Video) Posted: 22 Feb 2018 01:56 PM PST Arsenal ka humbur në ndeshjen kthyese ndaj Ostersundsit 1-2 por i ka mjaftuar fitorja në ndeshjen e parë për të kaluar tutje në raundin tjetër në Ligën e Evropës. Trajneri i Arsenalit, Arsene Wenger kishte vendosur t'i pushojë disa nga yjet kryesorë të skuadrës për këtë takime. E mungesa e lojtarëve të ekipit të parë të Arsenalit u vërejt menjëherë pasi mysafirët shënuan. Ishte minuta e 22-të, kur mesfushori anësor Hosam Aiesh mori një top të mirë në zonë nga Ghoddos dhe shënoi për 0-1. Vetëm një minutë më vonë mysafirët befasuan përsëri Arsenalin ku shënuan edhe njëherë. Mesfushori Ken Sema befasoi portierin vendas Ospina duke shënuar për 0-2. Arsenali u mundua të rikthehet në lojë dhe rrezikoi nëpërmjet Jack Wilshere por pa sukses. Me epërsinë 0-2 të mysafirëve përfunduan 45 minutat e para të ndeshjes. Wenger vendosi për të ndërhyrë në formacion duke larguar nga loja të riun Niles dhe duke e futur yllin shqiptar Granit Xhaka. Në minutën e 47-të Hector Bellerin asistoi tek Sead Kolasinac i cili ngushtoi epërsinë e mysafirëve në 1-2. Arsenali vazhdoi ofensivën në drejtim të mysafirëve duke rrezikuar me Welbeck e Elneny por pa sukses. Deri në fund dyja skuadrat kishin edhe disa gjysmëraste por që rrjetet më mbetën të pa prekura. Kësisoj Arsenali pas dy ndeshjeve kualifikohet tutje me rezultat të përgjithshëm 4-2 ndaj befasisë më të madhe këtë edicion të Ligës së Evropës, Ostersunds. /Telegrafi/
The post Ostersundsi befason edhe në ndeshjen e fundit në Evropë, por eliminohet nga Arsenali (Video) appeared first on Telegrafi. |
Milani mposht Ludogoretsin edhe në ndeshjen kthyese, kalon tutje në Ligën e Evropës (Video) Posted: 22 Feb 2018 01:51 PM PST Milani ka fituar edhe takimin e dytë të 1/16-tës së Ligës së Evropës ndaj Ludogoretsin me rezultat minimal 1-0. Skuadra e Gennaro Gattusos ka vazhduar me formë të lart edhe në Evropë, pasi ka mposhtur në dy ndeshjet Ludogoretsin dhe ka siguruar kalimin në 1/8-tën e Ligës së Evropës. Pjesa e parë e takimit ishte thuajse e barabartë nga të dyja skuadrat, por vendasit arritën të gjejnë rrugën e rrjetës. Ishte sulmuesi italian, Fabio Borini, i cili shënoi në minutën e 21-të për 1-0 pas asistimit të Patrick Cutrone dhe me këtë gol skuadrat shkuan në pushim. Në pjesën e dytë, përsëri u zhvillua lojë e barabartë, me Rossonerët që menaxhonin lojën dhe Ludogorets që tentonte barazimin. Rasti më i mirë në këtë pjesë i takoi Jakub Swierczok, i cili humbi një mundësi të mirë barazimi në minutën e 57-të të ndeshjes. Kështu, pasi 90-të minutave lojë Milani fiton edhe ndeshjen kthyese në 1/16-tën e finales në Ligën e Evropës, duke siguruar kualifikimin. Rossonerët eliminuan skuadrën bullgare, Ludogorets, me rezultat të përgjithshëm 4-0. /Telegrafi/
The post Milani mposht Ludogoretsin edhe në ndeshjen kthyese, kalon tutje në Ligën e Evropës (Video) appeared first on Telegrafi. |
Reali ka një plan për transferimin e De Bruyne, gati të thyhet rekordi botëror Posted: 22 Feb 2018 01:25 PM PST Kevin De Bruyne është njëri nga futbollistët me formën më të mirë në botë. Ylli belg i Manchester Cityt ka shkëlqyer këtë edicion me gola e asistime të shumta. Kjo ka bërë që pas tij të vihet kampioni aktual i Evropës, Real Madridi. Sipas të përditshmes spanjolle 'Don Balon', madrilenët kanë në plan të thyejnë rekordin botëror për transferime. 'Los Blancos' janë të gatshëm të shpenzojnë rreth 250 milionë euro me bonuse për transferimin e De Bruyne. Edhe pse duket e vështirë se City do të heqë dorë nga ylli i tyre kryesor, madrilenët pritet të provojnë transferimin e De Bruynes në verë. Në rast se mbyllet me sukses ky operacion i 'Los Blancos', atëherë De Bruyne do ta thyente rekordin e Neymarit dhe do të bëhej futbollisti më i shtrenjtë në histori. 26-vjeçari ka një kontratë afatgjate me Cityn deri në qershor të vitit 2022. Në 39 ndeshje në të gjitha garat, belgu ka shënuar 11 gola dhe ka dhuruar 19 asistime për bashkëlojtarët e tij. De Bruyne iu bashkua Cityt në verën e vitit 2015 nga Wolfsburgu për 76 milionë euro. /Telegrafi/ The post Reali ka një plan për transferimin e De Bruyne, gati të thyhet rekordi botëror appeared first on Telegrafi. |
Agjenti i Karamoh: Francezët nuk duan më të transferohen në Serie A Posted: 22 Feb 2018 12:35 PM PST Agjenti i talentin francez, Yann Karamoh, ka pohuar se lojtarët francezë nuk duan të transferohen më në Itali, por këmbëngul se klienti i tij po bën shumë mirë në Inter. Karamoh u transferua në Inter nga Caen vetëm verën e kaluar në një marrëveshje prej 5.5 milionë eurosh, duke shënuar golin e tij të parë për klubin dy javë më parë ndaj Bolognas, por agjenti Oscar Damiani beson se adoleshenti është pjesë e një race që po vdes pasi francezët më nuk e duan Serien A. “Karamoh po bën shumë mirë. E kam ofruar atë për Interin, të cilët tashmë dinin shumë për të, aq shumë saqë Ausilio më tha se donte ta nënshkruante menjëherë”, ka thënë fillimisht Damiani për Sportitalia. “Ata paguan 5.5 milionë edhe pse ai kishte vetëm një vit në kontratën e tij [me Caen]. Megjithatë, ato nuk janë shifra të mëdha”. “Nuk kam luftuar për ta çuar atë në Milano, sepse tashmë e njihnin atë”. “Negociatat u bënë të vështira vetëm me Caenin sepse kishte klube angleze, përveç Saint-Etienne, që ofronte shumë më tepër”. “Megjithatë, lojtari shkoi kundër grurit për t’u bashkuar me Interin: francezët nuk duan të vijnë më në Itali”. “Është bërë e vështirë për mua që të sjell të rinjtë nga Franca në Seria A”, përfundoi agjenti i Karamoh. /Telegrafi/ The post Agjenti i Karamoh: Francezët nuk duan më të transferohen në Serie A appeared first on Telegrafi. |
Lazio, Atletico Madrid dhe Lyon kalojnë tutje, eliminohet Napoli dhe Villareali Posted: 22 Feb 2018 12:14 PM PST Kanë përfunduar ndeshjet e para të 1/16 së finales në Ligën e Evropës. Kësisoj lajmi i mbrëmjes është eliminimi i gjigantit italian Napoli ndaj skuadrës gjermane RB Leipzig. Napoli arriti fitore si mysafir me rezultat 0-2 por fitorja e një jave më parë nga Leipzig në Itali 1-3 i kanë dhënë kualifikimin klubit gjerman. Ndeshje tejet interesante ishte edhe ajo mes Villarealit dhe Lyonit ku tutje ka kaluar klubi francez pas fitores 0-1. Në ndeshjen e parë Lyon kishte triumfuar në shtëpi 3-1 ndaj Villarealit. Lazio ka demoluar skuadrën rumune Steaua Bukuresht duke e mposhtur me rezultat të thellë 5-1 dhe duke kaluar tutje me rezultat të përgjithshëm 5-2. Tutje ka kaluar edhe Atletico Madrid që triumfoi minimalisht 1-0 ndaj Copenhagen ndërsa në ndeshjen e parë kishte fituar në udhëtim 1-4. Zenit ka mposhtur lehtësisht 3-0 Celticun duke e bërë të pavlefshme fitoren e skocezëve në ndeshjen e parë 1-0. /Telegrafi/ Më poshtë keni të gjitha skuadrat e kualifikuara: CSKA Moska The post Lazio, Atletico Madrid dhe Lyon kalojnë tutje, eliminohet Napoli dhe Villareali appeared first on Telegrafi. |
Donnarumma zgjedh klubin e ardhshëm Posted: 22 Feb 2018 11:44 AM PST Gianluigi Donnarumma thuhet se ka vendosur të largohet nga Milani këtë verë dhe të nënshkruajë për Paris Saint-Germain. E ardhmja e portierit të talentuar italian pritet të marr epilog gjatë verës me një largim të tij nga San Siro. Sipas mediumit Quotidiano Sportivo, Donnarumma ka pranuar sfidën për t’u bërë numri 1 i ardhshëm i PSG-së pasi Alphonse Areola dhe Kevin Trapp kanë dështuar të ‘blindojnë’ pozitën. Publikimi i këtij mediumi shpjegon se gjigantët francezë kishin identifikuar gjithashtu Alisson Becker të Romës dhe Jan Oblak të Atletico Madridit si objektiva, por 18-vjeçari italian ishte “më i madhi”. Për më tepër, bisedimet do të hapen tashmë midis agjentit të tij Mino Raiola dhe gjigantit francez, PSG dhe shumë shpejt mund të arrihet ndonjë marrëveshje. E ardhmja e Donnarummas ka qenë subjekt i shqyrtimit intensiv, duke filluar me vendimin e tij për të mos nënshkruar një kontratë profesionale me Milanin verën e kaluar, para se të ndryshoj mendim dhe ta rinovojë atë. Megjithatë, u raportua më pas në dhjetor se Raiola ishte e pakënaqur me marrëveshjen e re, pasi drejtuesit milanez nuk ishin përmbajtur të gjitha pikave. Sipas mediave italiane dhe tjera në Evropës, portieri i talentuar italian ka një klauzolë lirimi prej 50 milionë eurosh në kontratën e tij. /Telegrafi/ The post Donnarumma zgjedh klubin e ardhshëm appeared first on Telegrafi. |
You are subscribed to email updates from Futboll – Telegrafi. To stop receiving these emails, you may unsubscribe now. | Email delivery powered by Google |
Google, 1600 Amphitheatre Parkway, Mountain View, CA 94043, United States |
Lexo edhe: